悠悠閒的部落格

只得十天既行程，全程搭歐洲之星Eurostar 火車穿梭四大城市，米蘭-> 威尼斯->佛羅倫斯->羅馬.

因為預早在網上訂到超平既車飛，四程火車每人只需66歐，又快又舒服又安全，超爽啊！如果去到意大利先買，唔止貴好多，仲可能買唔到我地揀選既好時間，如果無飛仲可能要搭本地既火車，治安可能無咁好！

西班牙美食當然唔少得西班牙炒飯同海鮮湯，去到西班牙，急不及待要試，第一晚黎到巴塞，雖然被航空公司折騰左一整日，人已經好攰，但都要食野架，我家姐就帶我地到apartment 附近既La Fonda 餐廳試下佢地既西班牙炒飯Paella.

我家姐上年試過呢間餐廳，對佢地既Paella同海鮮湯讚不絕口，因為攰攰地，無心機慢慢睇餐牌，佢地有兩款西班牙炒飯，同埋有墨汁飯，西班牙好多餐廳叫西班牙炒飯都一定要兩人份，呢間餐廳都係，所以我地叫哂三樣一齊試，再叫左海鮮湯，沙拉同烤魚黎試，今日全日都係食飛機餐，所以要食番ｄ好野補番數．

西班牙英國之旅 - 巴塞隆納 Mercat de Sant Josep La Boqueria 聖荷西市場

到外地旅行, 參觀街市已經成為必然不可缺少既動作, 巴塞隆納 Mercat de Sant Josep
非常出名, 我地當然唔會錯過, 到達巴塞既第二日, 一早我地就去街市搵食, 聖荷西市場果然係一個寶庫, 係裡面真係有好多寶物.

西班牙英國之旅 - 2010 年 10 月 12日

未去西班牙前, 已經做定功課, 知道Madrid 馬德里有間百年老店 Chocolateria San Gines 係朱古力油炸鬼Chocolate con Churros專門店, 呢間老店好有名, 電視旅遊節目都有介紹, 聽聞好多當地人半夜三更飲完酒後, 就會去個度食番個朱古力油炸鬼至返屋企瞓覺, 所以呢度最多人幫趁就係半夜.

今次西班牙英國十八天自由行, 我地有十三天半係西班牙, 四天半係英國, 總共計劃到十一個地方, 包括 Barcelona 巴塞隆納, Granada格拉那達, Malaga 馬拉加, Ronda 隆達, Nerja 內爾哈, Frigiliana, Sevilla塞維亞, Madrid 馬德里, Segovia 塞哥維亞, Manchester 曼徹斯特, London 倫敦.